பிரிவுக்கு பின் சந்திப்பு

தினமும் என் பார்வை
சில நிமிடங்கள் அவள் மீது

அவளின் பார்வை
சில நொடிகள் என் மீது

மாற்றங்கள் ஒன்றும் தோன்றவில்லை
என் பார்வையில் அவள் இருக்கும் வரை

மழை பொழியும் நேரத்திலும்
வெப்பத்தை உணர்ந்தேன்
அவளை பார்க்காத பொழுது

அருகில் இருக்கும் பொழுது அதன்
அருமை தெரியாது
யாரோ சொன்னது நினைவுக்கு வந்தது

பாலைவனத்தில் மழை போல்
நீண்ட இடைவெளிக்கு பின்
என் பார்வையில் அவள்

வானில் தோன்றும் மின்னல் போல்
என் மனதில் ஒரு மின்னல்

அவள் கூந்தல் அசைவில்
என் இதய துடிப்பு அதிகரித்தது

தினமும் பார்த்த பழகிய
அனைத்தும் அழகாக தோன்றியது

என்னையே புதியதாக
பார்க்குறேன் இன்று